Cakepan Tembang “Prau Layar” karyanipun Ki Nartosabdo
Yo kanca ning gisik gumbira, anglerap-lerap banyune segara
Angliyak numpak prau layar
Ing dina minggu ke pariwisata
Alon praune wis nengah
Byak byuk byak banyu binelah
Ora jemu-jemu karo mesem ngguyu
Ngilangake rasa lungrah lesu
Adhik njawil Mas
Jebul wis sore
Witing kelapa katon ngawe-awe
Prayogane becik bali wae
Dene sesuk esuk tumandang nyambut gawe
Cakepan Tembang “Pepeling:
Wis wancine tansah dielingke
Wis wancine padha nindakake
Adzan wus kumandhang, wayahe sembahyang
Netepi wajib dhawuhe Pangeran
Solat dadi cagaking agama
Limang wektu kudu tansah dijaga
Kanthi istiqomah lan sing tumakninah
Luwih sampurna yen berjamaah
Subuh, Luhur, lan Ashar
Solat sayekti ngadohke tindak mungkar
Magrib lan Isyak jangkepe
Prayogane ditambah solat sunahe
Ja sembrana iku prentah agama
Elingana neng ndonya mung sedhela
Sabar lan tawakal pasrah sing kuwasa
Yen kepingin mbesuk munggah swarga
Cakepan Tembang “Gugur Gunung” karyanipun Ki Narto Sabdo
Ayo, Ayo
Kanca, Kanca
Ngayahi karyaning praja
Kene, kene
Kene, kene
Gugur gunung tandang gawe
Sayuk sayuk rukun
Bebarengan ro kancane
Lila lan legawa
Kanggo mulyaning negara
Siji, loro, telu, papat
Maju papat papat
Diulang-ulungake
Mesthi enggal rampunge
Holobis kuntul baris
Holobis kuntul baris
Holobis kuntul baris
Holobis kuntul baris
Cakepan Tembang “Padhang Bulan”
Yo pra kanca dolanan neng njaba
Padhang mbulan padhange kaya rina
Rembulane ne sing ngawe-awe
Ngelingake aja padha turu sore
Cakepan Tembang “Lir-Ilir” karyanipun Sunan Kalijaga
Lir-ilir lir ilir
Tandure wus sumilir
Tak ijo royo-royo tak sengguh temanten anyar
Cah angon cah angon penekna blimbing kuwi
Lunyu-lunyu penekna kanggo mbasuh dodotira
Dodotira-dodotira kumitir bedhah ing pinggir
Dondomana jlumatana kanggo seba mengko sore
Mumpung padhang rembulane mumpung jembar kalangane
Yo suraka surak hiyaaa
Cakepan Tembang “Turi Putih”
Turi turi putih…
Ditandur neng kebon agung,
Turi-turi putih…
Ditandur ning kebon agung
Cemleret tiba nyemplung
Mbok kira kembange apa,
Mbok kira – Mbok kira…
Mbok kira kembange apa,
Kembang-kembang tebu…
Kembang tebu cacahe pitu
Kembang-kembang tebu…
Kembang tebu cacahe pitu
Kang mituhu marang guru
Ben lakune ora kleru
Mbok kira – Mbok kira…
Mbok kira kembange apa,
Kembang-kembang jambe…
Kembang jambe dironce-ronce
Kembang-kembang jambe…
Kembang jambe dironce-ronce
Rungokno pituture
Ben ra getun tembe mburine
Mbok kira – Mbok kira…
Mbok kira kembange apa,
Kembang-kembang waru…
Kembang waru diwiru-wiru
Kembang-kembang waru…
Kembang waru diwiru-wiru
Apa ta tegese guru
Digugu uga di tiru
Mbok kira – Mbok kira…
Mbok kira kembange apa..
